Borðum betur - Fimm skref til langvarandi lífsstílsbreytinga

Borðum betur - Fimm skref til langvarandi lífsstílsbreytinga

5.490kr Regular Price
4.990krSale Price
Höfnum skyndilausnum og matarkúrum!
Stefnum að viðvarandi árangri með lífsstílsbreytingum þar sem heilsan er í fyrirrúmi.Rafn Franklín þjálfari og heilsuráðgjafi hefur alla tíð verið heltekinn af mat og næringu en framan af ekki endilega á svo jákvæðan hátt. Heilsuferðalag hans hefur flutt hann úr hlutverki sófakartöflunnar á unglingsaldri, með viðkomu í kraftlyftingum og tilheyrandi magnáti, yfir í lífsstíl sem einkennist af öfgalausu, hreinu og hollu mataræði, jafnvægi og heilbrigði.
 
Á þeirri vegferð hefur Rafn viðað að sér yfirgripsmikilli þekkingu og sökkt sér ofan í rannsóknir í næringafræði auk þess að kynna sér mataræði mannsins í gegnum árþúsundin og hvað við getum lært af forfeðrum okkar. Þeirri þekkingu miðlar hann í þessari bók á einstaklega áhugaverðan hátt.
 
Rafn leiðir lesendur á markvissan hátt í gegnum fimm skref til að umbreyta mataræðinu og fullyrðir að það muni umbylta lífi þeirra og byggja upp langvarandi heilbrigði, auk þess sem markmið flestra um að vera í kjörþyngd sé sjálfgefin hliðarverkun þess.Girnilegar, heilnæmar uppskriftir fylgja.

„Ég mæli heilshugar með ráðleggingum Rafns sem eru byggðar á viðamikilli yfirlegu, tilraunum sem hann hefur framkvæmt á eigin skinni og umfram allt mikilli ástríðu fyrir viðfangsefninu.“
- Sölvi Tryggvason, fjölmiðlamaður

„Rafn hefur með miklum lestri öðlast mikinn skilning og þekkingu á raunverulegum grunni góðar heilsu.“
- Una Emilsdóttir, læknir
  • Frí heimsending innan höfuðborgarsvæðis!